Павел Севярынец - грамадскі дзяяч, палітык і пісьменнік. Аўтар 14 кніг, сярод якіх «Люблю Беларусь», раман «Беларусалім», зборнікі публіцыстыкі «Лісты з лесу», «Каменнае сэрца» і «Беларуская глыбіня». Лаўрэат літаратурнай прэміі Беларускага ПЭН-цэнтру імя А. Адамовіча, прэміі імя Францішка Аляхновіча, прэміі «За свабоду думкі» імя Васіля Быкава,
украінска-беларускай літаратурнай прэміі «Воін Святла». Неаднаразова прызнаваўся вязнем сумлення. Жанаты. Хрысціянін.
украінска-беларускай літаратурнай прэміі «Воін Святла». Неаднаразова прызнаваўся вязнем сумлення. Жанаты. Хрысціянін.
| | Каменнае сэрца Зборнік эсэ палітычнага вязьня Паўла Севярынца, напісаных за апошнія дваццаць гадоў. Кароткія гісторыі з беларускай няволі — «сутак», «хіміі», турмаў — паказваюць сённяшнюю Беларусь знутры. Жыццё ва ўмовах рэжыму як яно ёсць. «Каменнае сэрца» змяшчае шэраг тэкстаў Паўла Севярынца, якія нідзе раней не публікаваліся
|
Водгукі
Што пішуць чытачы і літаратары пра працяг рамана «Беларусалім. Сэрца святла»?
Уладзімер Арлоў, пісьменнік
«Беларусалім» – кніга, магутная паводле закладзеных у яе ідэяў і паводле мастацкага вырашэння задумы. Вы па-майстэрску будуеце сюжэт, пішаце выдатнай беларускай мовай, што дапамагае ствараць пераканаўчыя вобразы»
Міхась Скобла, паэт, публіцыст
«Чытаючы раман Паўла Севярынца «Беларусалім. Сэрца святла» я міжволі лавіў сябе на думцы, што аўтар нейкім дзівосным чынам час ад часу пакідаў сваю турэмную камеру і разам з усім народам хадзіў на пратэстныя шэсці, на ўласныя вочы бачыў ашалелыя хапуны на менскіх вуліцах, на ўласныя вушы слухаў пропаведзі беларускіх святароў, якія асудзілі гвалтоўныя дзеянні сілавікоў… Бо пра ўсё гэта расказваецца ў рамане, які быў напісаны задоўга да пасляжнівеньскіх падзей…»
Дзіяна Балыка, драматург
«Паланіла прыгажосць і вобразнасць мовы ў «Беларусаліме». У іх проста патанаеш і адразу хочацца размаўляць па-беларуску.
Усе, з кім я абмяркоўвала «Беларусалім», сышліся на думцы, што ў яго геніяльная назва – манкая, самадастатковая, метафарычная, незабыўная. І кніга апраўдвае ўсе чаканні ад яе – прыгажосць беларускай мовы, глыбіня філасофіі, энцыклапедычнасць ведаў аўтара захапляюць і забіраюць сэрца чытача без рэшткі»
Усе, з кім я абмяркоўвала «Беларусалім», сышліся на думцы, што ў яго геніяльная назва – манкая, самадастатковая, метафарычная, незабыўная. І кніга апраўдвае ўсе чаканні ад яе – прыгажосць беларускай мовы, глыбіня філасофіі, энцыклапедычнасць ведаў аўтара захапляюць і забіраюць сэрца чытача без рэшткі»
Аляксей Шэін, пісьменнік
«Чаму «Беларусалім» трэба прачытаць? Вось тры пункты, якія я адзначыў для сябе. Па-першае, гэта кніга, якая не пакідае раўнадушнай. Яе будуць альбо ганіць, альбо хваліць. Прамаўчаць пра яе вельмі складана. Па-другое, надзвычай якасная, жывая мастацкая проза. Па-трэцяе, раман натхняе задумацца пра Бога»
Уладзімір Някляеў, паэт
«Сама назва рамана – геніяльная. Лепшай, бадай, не знайсці ва ўсёй беларускай літаратуры ад яе пачатку і да сёння. … «Беларусалім» – гэта не «Людзі на балоце». І глыбінная розніца не адно ў назве. Пра раман Мележа ў энцыклапедыі сказана, што ў ім «апісана жыццё беларускага насельніцтва». У рамане Севярынца апісана жыццё беларусаў»
За час сваёй пісьменніцкай дзейнасці Павел Севярынец правёў па Беларусі і за яе межамі каля 500 прэзентацый, у тым ліку, у Менску, Вільні, Празе, Варшаве, Пінску, Воршы, Салігорску, Полацку, Бабруйску, Жабінцы і ў іншых гарадах і мястэчках. Самая вялікая прэзентацыя ў 2017 годзе сабрала ў гатэлі «Вікторыя» больш 300 чалавек. Кнігі Паўла Севярынца перакладзеныя на рускую і чэскую мовы. Зараз, за кратамі, Павел Севярынец працуе над працягам свайго рамана «Беларусалім», а таксама піша кнігу пра сям'ю і каханне.
Цытаты аўтарства Паўла Севярынца
“
- Верым, можам, пераможам!
- Беларусь – гэта святое!
- Беларусы – гэта 10 мільёнаў геніяў.
- Гармонія беларускага праваслаўя, каталіцтва і пратэстанцтва – формула сусветнага хрысціянскага трыадзінства: у Імя Айца, і Сына, і Духа Святога.
- Беларусі патрэбная маральная рэвалюцыя.
- Наша сістэма каардынатаў – Курапацкі крыж.
- У Беларусі дзявочыя вочы Нарачы.
- Полацкае княства – вечавая хрысціянская дэмакратыя. ВКЛ – шляхецкая хрысціянская дэмакратыя. Будучыня Беларусі – Беларуская хрысціянская дэмакратыя.
- Бойся Бога і больш нікога!
- Беларуская нацыянальная ідэя – гэта Ісус Хрыстос, Які размаўляе па-беларуску.
Набыць кнігі Паўла Севярынца
Калі вас зацікавіла адна з кніг аўтара і вы хацелі б яе атрымаць, заходзьце на сайт Kroplia.by у раздзел Крама і выбірайце кнігу.
Аўтар шчыра ўдзячны сваім чытачам за цікавасць, падтрымку і водгукі. Калі ў вас засталіся пытанні, ці вы хацелі б пакінуць водгук ці каментар, напішыце нам.
Аўтар шчыра ўдзячны сваім чытачам за цікавасць, падтрымку і водгукі. Калі ў вас засталіся пытанні, ці вы хацелі б пакінуць водгук ці каментар, напішыце нам.
